Cóntame un conto

 As nosas familias de educación infantil, durante este mes,  contáronos unhas historias marabillosas.
Aquí tendes a entrada ao blog de E.Inf. onde poderedes ver eses momentos tan agradables.

Disfrutamos moito cos vosos contos. Esperámos as vosas historias no próximo curso.

Moitas grazas e feliz verán para todos.

Despedida aos axudantes

Esta semana estamos a recoller a biblioteca, todos os rapaces e rapazas están a devolver os libros aos andeis onde descansarán ata  setembro.
Pero tedes que seguir lendo, a biblioteca de Monte Alto está esperando a vosa visita. Alí atoparedes moitisimos libros marabillosos. 

Onte fixemos a despedida aos axudantes.

Queremos agradeceros o traballo que fixestedes durante todo o ano. A biblioteca non funcionaría sen a vosa axuda.

Un agradecemento moi especial aos alumnos de sexto, colaboradores durante catro anos: Marta, Lucía Iglesias, Lucía Sesar, Janira, Alex, Rubén...

Desexamos que no voso instituto sigades colaborando coa biblioteca, coa animación a ler, coa lectura.

Unha aperta moi forte para todos vos.

1ª Mostra de contos e relatos de ciencia

O curso está rematando, e con el as actividades programadas durante todo o curso.
Estes días seguimos gozando cos contos que as nosas familias contanos durante a "Hora de ler".
O xoves entregamos os diplomas aos alumnos que participaron na "Mostra de contos e relatos de ciencia"

Antía, Daniel, Uxía e Martín parabéns polos vosos fantásticos traballos.
O próximo curso queremos mais.

Bellanini

Os rapaces e rapazas de 6º B, na clase de Atención educativa, leron o libro "Una bruja horriblemente guapa",  fixeron unha adaptación teatral e representárona  para os seus compañeiros de primaria.
Foi moi divertido e eles fixérono moi ben.
Desexamos que sigades traballando da mesma maneira na nova etapa que ides comezar moi pronto.
Parabéns

DÍA DO CONTO: THE MIXED-UP CHAMELEON

Por fin!!!! Un conto en inglés!!!Conseguimos que Belén e Carmen, as mestras de inglés, fixeran "The mixed-up Chameleon" un conto de Eric Carle, aproveitando o seu traballo da aula, cun xogo de velcro.

A vida do camaleón era bastante aburrida. Ata que un día foi ao zoo. Víu animais tan distintos, grandes, elegantes e divertidos que quería ser como cada un deles e como todos ao mesmo tempo. E ata quería ser como as persoas!!! Fíxose un lío tan monumental que ao final decidíu ser unha soa cosa.

As familias na nosa biblioteca

Esta tarde, as nosas familias tiveron unha charla moi interesante sobre "Os perigos de Internet e as novas tecnoloxías".

Recomendáronos  moitos consellos de seguridade para evitar todos os perigos que poden atopar os nosos rapaces e rapazas nas redes sociais.