Contacontos coas familias

Nesta ocasión recibimos á familia de Mia para escoitar o conto de Once damas atrevidas, que aínda que xa o coñeciamos, encántanos ir contando cantas damas quedan. Nesta ocasión puidemos ver como as damas ían desaparecendo. Que chulada de contacontos! Gracias familia!

                                                       

APADRIÑAMENTO POÉTICO no CEIP VÍCTOR LÓPEZ SEOANE

Visita á biblioteca de Monte Alto

Fai unhas semanas os nenos e nenas de 4 anos recibiron un paquete da Biblioteca de Monte Alto, que a maioría xa coñecedes. Era de Tecelá, unha ovelliña que quería saber que era iso de rapar a la das ovellas. Mandounos un anaquiño de la e un par de libros. Cando tivemos a resposta acudimos rápidamente a biblio do noso barrio a explicarlle e axudarlle á ovelliña. Alí puidemos coñecela, aprender a diferencia entre libros de información e de ficción, coñecer as etiquetas da biblio, a súa organización, e mesmo ollear contos. A maoría xa somos socios da biblio pero os que non levaron o papel para poder solicitar o carné. Que misión máis divertida!

   

 

Xornada de Formación

A biblioteca do noso cole participa dende fai anos no PLAMBE, plan de melloras escolares das bibliotecas educativas, o que nos permite estar a última tanto en fondos como en dotacións. Para mellorar día a día a xestión da nosa biblio e poder ofrecervos a maior cantidade de recursos e calidade de actividades o noso profesorado asiste con continuidade ás formacións ofertadas pola asesoría. Onte foi unha delas. 

Representación de poesías

O xoves 21 tivemos a sorte de recibir a Alba, a mamá de Lucas de 4 anos que nos fixo unha representación dunha poesía coñecida por todos "Paxariña" e nos ensinou como se debuxa a poesía da man de Gloria Fuertes. Un pracer para os pequen@s!

Avós que cantan poesía

No tempo de entroido acompañounos o avó de Ana, que pertence a unha das comparsas de Monte Alto para ensinarnos a canción que compuxeron para este ano e tocarnos un descoñecido instrumento para eles. Foi moi divertido intentar facer que soara e escoitar a entroideira letra. E para rematar, nada máis típido do Entroido, unhas serpentinas que nos trouxo de agasallo. Grazas por compartir con nós esta aventura!

DÍA DA POESÍA

Todos os nen@s do cole xa están preparando o recitado das súas poesías. Tanto das que inventaron como das que memorizaron para conmemorar este día. Debido a planificación das saídas do centro temos que pospoñer o PADRIÑAMENTO POÉTICO para o vindeiro luns 25.

Horas de ler en familia

O pasado xoves recibimos a visita dunha das mamás de 1º para contarlles este conto Pastel para enemigos. Qué divertido!

8 de marzo; Día da muller

Para conmemorar este día o alumnado do centro elaborou un abecedario con nomes de mulleres que abriron camiño ao longo da nosa historia. O mural está na entrada do colexio, podedes poñerlle voz usando a tablet ou o móbil coa app HP Reveal. Pois para cada imaxe os nenos/as de cada un dos cursos gravaron un pequeno audio en inglés falando sobre a muller que elixiron. Non perdades a oportunidade de escoitalo!

Resumo da xornada de Entroido

Video Actividades do English´s day