San Valentín tamén na biblio do cole!

SAN VALENTÍN

Poemiña para namorar a unha rosa

A rosa rosiña                                                               

está na roseira

ben coloradiña

feliz e riseira !

A rosa rosada

de tanto lucir

a mesma alborada

a pode ferir.

A rosa rosiña

está no rosal:

ti queres ser miña,

rosiña lanzal ?  

A rosa rosada

de tanto mencer,

é tan delicada

que pode morrer !

Para rosa rosiña

fachenda de maio,

incluso é espiña

a flor dun salaio !

A rosa rosada

xa é miña amiga:

quedou namorada

con esta cantiga !

 

 

Manuel María

Obra poética completa

DÍA DO CONTO: ESPECIAL SAN VALENTÍN. "ENAMORADOS"

Neste día tan especial, 14 de febreiro, celébrase San Valentín; e, como non podía ser doutro xeito, este venres adicámoslle unha lectura moi especial: "Enamorados", un libro de Rébecca Dautremer.

Que é estar enamorado? É como caerse da bici o é algo de mentira? É volverse un pouco tolo ou é estar malito? Hai que levar paraugas ou darse besos? É algo de chicas ou de anxos? Todo isto haberá que explicarllo a Ernesto (que quere a Salomé) aínda que non sabe demostrarllo.