Celebración día da Paz

Hoxe xuntánonos no patio para facer o noso particular homenaxe a este día, bailando esta canción de Juanes empregando a linguaxe de signos.

 

Día da Paz

Este ano dedicaremos este día a coñecer o labor de Wangari Maathai, premio nobel da Paz no 2004, co lema “Árbores pola Paz”. Na nosa escola tamén estamos a plantar sementes de árbores autóctonos galegos para levar ao noso patio. 

Preparando o día da Paz

Nas aulas de infantil estamos a traballar con este conto "O sorriso de Daniela" que nos fala da importancia que ten o noso sorriso nas relacións cos demais. Como este ano é un pouco difícil de amosar, o alumnado de infantil preparou a súa propia adaptación das máscaras para seguir alegrando co seu sorriso. 

Dende primaria achegannos unhas guirnaldas solidarias con palabras sobre a Paz para dar un pouco de cor ao noso cole. 

 

DÍA DA PAZ

Lazos con mensaxes de paz coa axuda das familias, unha canción roqueira e inventada "Rompe coa violencia" polos nenos/as e moitas ganas de exaltar a amizade neste 30 de xaneiro.

.

ENCONTRO CON JAVIER BAULUZ E PATRICIA SIMÓN

O pasado venres, tivemos a sorte de ter unha visita moi especial: o fotoperiodista Javier Bauluz, e a periodista Patricia Simón. Tanto o un como outro enfocan o seu traballo cara a loitar polos Dereitos Humáns. Proba de iso é o seu periódico dixital "Periodismo Humano".

                                                                                                  Compartiron coas clases de 3º, 4º, 5º e 6º de primaria os seus traballos sobre as persoas migrantes e refuxiadas; a súa perspectiva de que son persoas, non cousas nin números, senón persoas que necesitan a nosa axuda igual que nós si estiveramos fuxindo do noso país por motivos de raza, relixión, xénero, orientación sexual, opinións políticas, etc.

Explicáronos o importante que é loitar contra a xenofobia que cada día está crecendo máis e máis. E dixéronos cal é a mellor mediciña.....A EMPATÍA!!! poñerse no lugar dos outros e percibir o seu sentir.

E, xa pola tarde, foi o tempo dos maiores. E describiron as súas experiencias na nosa fronteira sur, Melilla, e o camiño a pé que fixo Javier coas persoas desprazadas en situacións límite, desde Lesbos ata Alemaña; e explicaron as políticas e prácticas dos medios de comunicación internacionais en torno a esta crise humana. A súa intervención deu lugar a un animado coloquio posterior, no que houbo un sentir común: "poñámonos a traballar para que a xenofobia non avance"

Gracias Patricia. Gracias Javier. Lembrarémosvos sempre.

Aquí deixámosvos un vídeo resumo de toda a xornada que compartimos con eles. 

MIGRACIÓN Y REFUGIO. DÍA ESCOLAR DA PAZ E DA NON VIOLENCIA 2017

Este ano queremos enfocar o Día Escolar da Paz e da non Violencia cara ao que está a pasar no mundo co respecto ás persoas que fuxen dos seus países por moitos motivos como a guerra, a súa raza, relixión, opinións políticas distintas, pertencer a un grupo social determinado, por razón de xénero ou pola súa orientación sexual.

As persoas que fuxen do seu país de orixe por calquera destes motivos o único que quere é poder "vivir", por iso piden refuxio; e, por iso queren exercer o seu dereito de asilo (Artículo 14 Declaración dos Deritos Humáns). Que podemos facer nós?

Nesta semana traballarase nas clases esta temática con contos, libros, cortos de animación, documentales, traballos de investigación....

Aquí deixámosvos  un pequeno GLOSARIO co que comezamos este tema para aclarar dúbidas e conceptos.

Día paz 2017 "Migración y refugio" CEIP VÍCTOR LÓPEZ SEOANE de aulainformaticaelena

E contaremos o venres coa visita de dúas persoas moi relacionados co tema dos Dereitos Humáns:

A periodista Patricia Simón, galardonada co Premio da Asociación de Mulleres dos Medios de Comunicación 2013, ponente en seminarios, cursos e congresos sobre periodismo, dereitos humáns, enfoque de xénero, trata de persoas e explotación sexual. 

O fotoperiodista Javier Bauluz, Premio Pulitzer de Fotografía 1995 polo seu traballo en
Ruanda, Premio Periodismo e Dereitos Humáns 2008, Premio Dereitos Humáns do Consello Xeral da Abogacía 2016, entre otros.

Pola mañá, os nenos e nenas de 3º, 4º, 5º e 6º van ter a sorte de poder compartir un encontro persoal con eles onde van contarlles  as súas experiencias persoais cos nenos e nenas refuxiadas e as súas familias. 

E xa pola tarde, ás 18:30, o resto da comunidade escolar e achegados, estades invitados a vir ao Encontro persoal, que darán conxuntamente, apoiándose no último traballo de Bauluz "Buscando refuxio para os meus fillos", onde narra o camiño percorrido a pe desde a súa chegada a Grecia ata Alemaña.

(O acto vai ser na Sala de Usos Múltiples, ata encher o aforo)

DÍA DO CONTO: WHAT DOES PEACE FEEL LIKE?

O noso conto para o Día Escolar da Paz e a Non Violencia, foi elixido polas mestras de inglés, Carmen e máis Belén; "WHAT DOES PEACE FEEL LIKE?" escrito por Vladimir Radunsky, e lido por Diego, Ruth, María, Lucía e Natalia de 5º e 6º de primaria.

Este precioso libro de imaxes contén citas de estudantes de primaria dunha escola internacional en Roma. Traballa tanto os cinco sentidos coma unha mensaxe contra a guerra. Ao texto, acompáñanlle ilustracións que mostran un gato e un can acurrucados xuntos nunha gran cesta, que falan entre eles...

"¿Cómo che parece que é a paz? "Como algo fermoso que vai máis lonxe, pero vai volver". Paz soa coma "gotas de chuvia que caen. . . coma voces cantando. "A paz ten un sabor como a xeado, ten moitos sabores...."

Se queredes xogar un pouquiño e practicar o voso inglés, aquí deixámosvos un xogo lim deste conto.

E tamén algunhas fotos do contacontos do venres....

"DÍA DA PAZ ESCOLAR E A NON VIOLENCIA"

Hoxe celebramos o "Día da paz escolar e a non violencia".

 Este ano plantexámolo desde a perspectiva da resolución de conflitos.Traballamos moito e aquí podemos ver algunhas das actividades que fixemos.

Historias de Saraievo

O mércores día 30 imos celebrar no colexio o "Día escolar da Paz e a Non Violencia"
Hoxe, na biblioteca, tivemos un obradoiro sobre a resolución de conflictos.

Primeiro estivemos vendo unha serie de fotografías do fotoxornalista Gervasio Sánchez durante a guerra de Saraievo.

Falamos do que significa a palabra PAZ e das dintistas maneiras nas que podemos  vivir a violencia: xestos, miradas, palabras...

Finalmente debatimos sobre as distintas maneiras que temos para resolver os conflictos.

Queremos ter, non un día, senon un "Ano de Paz"