DÍA DO CONTO: A TOUPIÑA QUE QUERÍA SABER QUEN LLE FIXERA AQUILO NA CABEZA

Este clásico tan agradecido, "A TOUPIÑA QUE QUERÍA SABER QUEN LLE FIXERA AQUILO NA CABEZA", da Editorial Kalandraka,  tivo o éxito esperado entre os rapaces.

 (Pica enriba da imaxe e podes ver un vídeo co conto musicado)

Bego, tía dunhas rapazas da clase de 3 anos e de 3º de primaria, veu contarnos este conto. Puxo en práctica as súas artes interpretativas e grandes e pequenos pasámolo pipa.

MOITAS GRAZAS BEGO!!!

Volve cando queiras!!

O RESTAURANTE FARRUCO

Hoxe, no colexio, abriu un restaurante moi particular "O restaurante Farruco"
Eu non vos recomendo que comades nel , mais si que o vexades, pois é moi divertido.
A clase de 5º preparou unha versión da obra de Chus Pereiro

Fixeron dúas representacións, e tanto unha coma a outra, foi un auténtico éxito.

Parabens rapaces e rapazas sodes uns grandes artistas.

DÍA DO EXPERIMENTO: O SUBMARINO AMARELO

 

Como dicía a canción dos Beatles..... 

A clase de Matilde, 1ºB, animouse  a facer un experimento sobre a flotabilidade. 

Mergullaron un globo cun peso na súa boca, nunha botella de auga, e cando apretas....o submarino (globo) baixa, pero cando soltas....sube á superficie, como os submarinos!!!

PROXECTO CIENCIA: OS PEIXES

Continuando co noso proxecto de ciencia, o alumnado da aula de "Nadarín" de educación infantil están a traballar cos peixes.
Buscaron información, medíronos, pintáronos, cociñaron, comeron,... e finalmente os visitaran no Acuario da Coruña.

Mais información na  páxina do blog:
http://oquebule3.blogspot.com.es/search/label/Proxecto%20peixes?m=0

BIODIVERSIDADE

Cando o mércores, na Hora de ler, liamos no xornal "Día Mundial da Diversidade Biolóxica" fixémonos moitas preguntas. Hoxe recibimos resposta a maioría delas. Pedro, naturalista, explicounos moi ben o que é a biodiversidade. Explicounos como facían as súas investigacións os naturalistas do século XIX, as ferramentas que utilizaban, como preparaban as súas mostras e nos lugares onde podemos atopalas.
 Agora non se utilizan os mesmos métodos, ademais de coñecer é moi importante que protexamos, conservemos...
 Falounos dunha maneira moi especial do naturista do que leva o nome o noso colexio Víctor López Seoane Queremos agradecerte a túa colaboración. Moitas grazas

Teatro: A vida de X. Filgueira Valverde

O alumnado de 6º A logo de  investigar sobre a vida de Xosé Filgueira Valverde, o autor homenaxeado este ano nas "Letras Galegas", preparou unha representación teatral na que nos mostrou a súa vida e os seus traballos mais importantes.

Parabéns rapaces e rapazas, fixésteslo de marabilla

DÍA DO EXPERIMENTO: A LÁMPADA DE LAVA

Alberto e Lucía de 4º de primaria fixéronnos unha lámpada superchula que na escuridade parecía que iba a levedar como a lava dun volcán.

Necesitamos:

• ACEITE
• AUGA
• PASTILLAS EFERVESCENTES
• COLORANTE ALIMENTARIO, de calquera cor, agás amarelo.
• UNHA LINTERNA

LETRAS GALEGAS

O fin de festa foi espectacular.
Para rematar a celebración da semana das Letras Galegas tivemos a actuación do grupo "Xebre"
O cole encheuse co son da pandeireta e a gaita galega.

Cantamos e bailamos cancións como "A saia da Carolina","O galo, cando canta", muiñeiras... e rematamos cantando o Himno galego Moitas grazas por esa música tan leda. Esperámosvos para outra ocasión.

DÍA DO CONTO: CROCODILO NAMORADO

Para estas Letras Galegas, Noa  mestra da clase dos "Nadarín", elixíu un clásico de Kalandraka como é a historia de "Crocodilo Namorado", de Daniela Kulot.

Este título é o primeiro dunha serie de álbumes protagonizados por Crocodilo e Xirafa, dous personaxes que se namoran e forman unha parella peculiar. Aparentemente, a súa relación pode resultar un tanto complicada porque a diferenza máis notable entre eles é a estatura. Pero é aí onde Crocodilo emprega toda a súa maña, co obxectivo de facerse notar para chamar a atención de Xirafa.

JUGANDO CON POLÍMEROS

Que se pode facer co petróleo? Coa axuda da fundación Repsol, aprendemos que ademais das gasolinas, se poden facer moitas cousas. Vestímonos coa bata, lubas, gafas protectoras e comezamos a experimentar con polímeros artificiais.

 
Foi moi divertido ademais de ser moi instrutivo.

CÓNTAME UN CONTO

Durante o mes de maio seguimos disfrutando con todas as historias que as nosas familias están a contar aos nosos rapaces e rapazas.



Foi moi emocionante Moitas grazas polos vosos contos. Queremos moitos mais!!!

LETRAS GALEGAS

Durante toda a semana estamos a celebrar a Semana das Letras Galegas.
Realizamos diversas actividades. Estudamos a vida e obra de Xosé Filgueira Valverde.

Hoxe tivemos unha celebración moi entrañable. Os nenos e nenas de 3 anos recibiron a visita dos seus abós e aboas, todos xuntos cantamos cancións tradicionais galegas acompañados dun acoreón e varias panderetas.


 Esperamos que pronto nos poidamos xuntar de novo.
 Moitas grazas pola vosa colaboración.
 Mañá tamén vai ser un día moi especial. Imos recibir a visita do grupo Xebre Seguiremos contando.

Alimentación equilibrada e deporte

Manuel Giráldez, médico e pai de  Daniel da clase de 5 anos, estivo coa rapazada de 5º e 6º.
Aclarounos moitas cousas sobre como debe ser a nosa alimentación. A importancia que ten o almorzo, as comidas que debemos facer ó día, a conveniencia de comer froitas e verduras todos os días, o necesario que é facer exercicio,...

A charla foi tan interesante que lle pedimos que fixese outra, para as familias, o próximo curso.

DÍA DO EXPERIMENTO: SÓLIDO-LÍQUIDO-SÓLIDO

Para mostrar os distinto estados da materia, Gabriel e máis Daniel, de 6º B fixeron unha pequena experiencia cociñeira, CARAMELO DE AZUCRE. 

Mostráronlles aos máis pequenos como poñendo calor a un sólido, neste caso ao azucre branco, fúndese e convírtese en sólido, neste caso caramelo!!!

Tiveron moitos "comensais" que degustaron unha perliñas de caramelo; e senón o credes.....

mirade as fotos!!!

 Necesítase:

1. azucre branco
2. calor
3. papel de horno para deixalo arrefriar.

CÓNTAME UN CONTO

Como xa ven sendo costume, pedimos a colaboración as nosas familias para
 que lle contasen contos ás aulas dos seus fillos e coma sempre, responderon.

Aquí tendes unhas fotos nas que se pode apreciar como desfruta a rapazada.

EXPERIENCIAS: tracción, magnetismo, flotación, calor, luz e son

  A clase de 6ºB estivo preparando un montón de experiencias nas clases de coñecemento e plástica ao longo do mes de abril, para invitar aos nenos e nenas de 1ºB que tanto lles axudan prestándolles materiais, explicándolles cousas,....

   Así que os peques foron a súa clase  a ver as experiencias que prepararan os maiores. Repartíronse en tres pequenos grupos e foi un éxito total. 

   E como a envexa ás veces é sá....a clase de 6ºA tamén quixo ir a desfrutar.

E para rematar a actividade os nenos e nenas de 1ºB tiñan preparada unha sorpresa para os maiores.....
Fixéronlles unha actuación moi especial con vestiario e todo!! "A Primaveira"

 

 Todas estas experiencias están expostas na entrada do colexio a vosa disposición. E os nenos/as de 6ºB encantados de repetir a experiencia. O mércores pasado, Álex Varela, fixo unha pequena exposición de todas elas no recreo na hora do experimento.

O PARAUGASDAMEAUGAS

Anxo Moure visitou a nosa biblioteca.

Aparece subido ao seu nubinete e contounos moitas historias inspiradas no seu libro " O PARAUGAS DAMEAUGAS" e as  conversacións que mantén coa natureza.

Todos os rapaces e rapazas gozaron coas súas historias.

CRIATURAS 1

O nº 1 da revista  Criaturas, revista dixital de literatura infantil e xuvenil, está adicado ao humor.

Nela atopamos unha sección de crítica, artigos de fondo como "O humor na lix galega" de Mª Jesús Fernández, "O que se agacha detrás do teatro de Paula Carballeira" de Vázquez Freire, "Humor no teatro infantil e xuvenil contemporáneo", "Humor na literatura portuguesa", unha guía de lecturas de humor baixo o nome "Constelación: humor" ou a entrevista de Francisco Castro a Paula Carballeira.
Unha lectura moi recomendable.