Reto: Limerick

Bibliomistos enviou unha carta a todo o alumnado. Nesta carta invita a todo o alumnado a que participen nun reto. 

Animádevos

 Ola rapaces e rapazas:
   Quero darvos os parabéns polo moito que traballastes para o Recital de poesía. Encantoume.
Non coñecía os ”Limerick” e estiven buscando información sobre eles. Son moi divertidos!
Vouvos propoñer un reto:
Porque non creades vos Limericks en galego, inglés ou castelán e os traedes á Biblioteca?. Entre todos os recibidos seleccionaremos un en cada idioma.
Os axudantes de Biblioteca serán os encargados de elixir os mellores e farán entrega dos premios.
Acordádesvos de como se fai un Limerick?
Esta composición poética está formada por cinco versos, que riman o primeiro co segundo e quinto, e o terceiro co cuarto.
Espérovos na biblioteca

Bibliomistos

 

DÍA DE ROSALÍA

Hoxe celebramos o 179 aniversario do nacemento de Rosalía de Castro.

Durante toda a semana estivemos a realizar diversas actividades para esta conmemoración.
Creamos cendóns coa obra de Rosalía, podedes lerlos  na porta da biblioteca, alí están expostos.

Escribimos e decoramos unhas tarxetas postais, deseñadas por Pepe Barro.Esta actividade realizouse en moitos colexios de Galicia seguindo unha proposta da AELG.

 Cada rapaz e rapaza decoraron e escribiron  unha postal para un compañeiro.

Este é o buzón que colocamos  no vestíbulo.O mércores, os axudantes de biblioteca transformáronse en carteiros e repartiron as postais por todo o colexio.

Pintamos a Rosalía

Seguiremos contando outras actividades.

Día de Rosalía

Toda a rapazada recibiu un carta de Bibliomistos, na que os invita a homenaxear a Rosalía de Castro.

Aquí tendes de novo a carta.
Esperamos con impaciencia os vosos centóns.

A Coruña 16 de febreiro do 2016

Ola rapaces e rapazas: 

Teño que darvos as grazas por todas as máscaras que trouxéchedes para á biblioteca, que ben debuxades!  aínda que vos confeso que algunhas son arrepiantes.

Sabedes que se celebra o día 24 de febreiro?

Si, tedes razón. Celebramos o nacemento de Rosalía de Castro.

Agora quero invitarvos a que participedes nunha nova actividade.

Sabedes o que é un “centón”?

Un centón é unha estrofa de varios versos para homenaxear a un autor. No día de Rosalia  queremos homenaxeala coa creación de centóns.

E como facemos?

Moi fácil. Escollede varios versos de distintas poesías de Rosalía, escribídeas facendo un poema e traédeas á biblioteca.

Quedarán expostas na entrada da biblioteca.

Animádevos

Bibliomistos

CURTO METRAXE

O curso pasado, no colexio fíxose unha actividade de Curto metraxe. Os rapaces e rapazas aprenderon moito sobre as cámaras, o son, os tipos de planos...
Escribiron unha historia, representárona e gravárona. Aquí tedes o resultado final.

Que traballo tan ben feito.

Parabens!!!