ACTIVIDADES TEI

Hoxe tivo lugar a actividade TEI de "Creo el recreo" na que o alumnado de 3º e 5º realizou a técnica cooperativa 1,2,4 para recoller as súas propostas de mellora do patio e en consecuencia a mellora da convivencia do centro.

Contacontos cultura xitana

Esta mañá o alumnado e profesorado de 5º A e B, tiveron a sorte de poder contar con Sebastián Porras e Manuel Cortés, que viñeron dende a Fundación Privada Pere Closa, de Catalunya.

Estiveron contándonos historias xitanas que falan de inclusión, de igualdade e da importancia da educación.

Tamén nos achegaron á orixe da étnia xitana, procedente da India e Pakistán dende hai máis de 6 séculos, ou á lingua Rromanó, común a todas as xitanas e xitanos espallados polo mundo. 

Chaval, pinrel ou jalar, palabras que empregamos a diario, xurden de alí.

Esta actividade a realizouse grazas a un proxecto do Ministerio de Educación e a Universidade da Coruña.

ENCONTRO CON JAVIER BAULUZ E PATRICIA SIMÓN

O pasado venres, tivemos a sorte de ter unha visita moi especial: o fotoperiodista Javier Bauluz, e a periodista Patricia Simón. Tanto o un como outro enfocan o seu traballo cara a loitar polos Dereitos Humáns. Proba de iso é o seu periódico dixital "Periodismo Humano".

                                                                                                  Compartiron coas clases de 3º, 4º, 5º e 6º de primaria os seus traballos sobre as persoas migrantes e refuxiadas; a súa perspectiva de que son persoas, non cousas nin números, senón persoas que necesitan a nosa axuda igual que nós si estiveramos fuxindo do noso país por motivos de raza, relixión, xénero, orientación sexual, opinións políticas, etc.

Explicáronos o importante que é loitar contra a xenofobia que cada día está crecendo máis e máis. E dixéronos cal é a mellor mediciña.....A EMPATÍA!!! poñerse no lugar dos outros e percibir o seu sentir.

E, xa pola tarde, foi o tempo dos maiores. E describiron as súas experiencias na nosa fronteira sur, Melilla, e o camiño a pé que fixo Javier coas persoas desprazadas en situacións límite, desde Lesbos ata Alemaña; e explicaron as políticas e prácticas dos medios de comunicación internacionais en torno a esta crise humana. A súa intervención deu lugar a un animado coloquio posterior, no que houbo un sentir común: "poñámonos a traballar para que a xenofobia non avance"

Gracias Patricia. Gracias Javier. Lembrarémosvos sempre.

Aquí deixámosvos un vídeo resumo de toda a xornada que compartimos con eles. 

MIGRACIÓN Y REFUGIO. DÍA ESCOLAR DA PAZ E DA NON VIOLENCIA 2017

Este ano queremos enfocar o Día Escolar da Paz e da non Violencia cara ao que está a pasar no mundo co respecto ás persoas que fuxen dos seus países por moitos motivos como a guerra, a súa raza, relixión, opinións políticas distintas, pertencer a un grupo social determinado, por razón de xénero ou pola súa orientación sexual.

As persoas que fuxen do seu país de orixe por calquera destes motivos o único que quere é poder "vivir", por iso piden refuxio; e, por iso queren exercer o seu dereito de asilo (Artículo 14 Declaración dos Deritos Humáns). Que podemos facer nós?

Nesta semana traballarase nas clases esta temática con contos, libros, cortos de animación, documentales, traballos de investigación....

Aquí deixámosvos  un pequeno GLOSARIO co que comezamos este tema para aclarar dúbidas e conceptos.

Día paz 2017 "Migración y refugio" CEIP VÍCTOR LÓPEZ SEOANE de aulainformaticaelena

E contaremos o venres coa visita de dúas persoas moi relacionados co tema dos Dereitos Humáns:

A periodista Patricia Simón, galardonada co Premio da Asociación de Mulleres dos Medios de Comunicación 2013, ponente en seminarios, cursos e congresos sobre periodismo, dereitos humáns, enfoque de xénero, trata de persoas e explotación sexual. 

O fotoperiodista Javier Bauluz, Premio Pulitzer de Fotografía 1995 polo seu traballo en
Ruanda, Premio Periodismo e Dereitos Humáns 2008, Premio Dereitos Humáns do Consello Xeral da Abogacía 2016, entre otros.

Pola mañá, os nenos e nenas de 3º, 4º, 5º e 6º van ter a sorte de poder compartir un encontro persoal con eles onde van contarlles  as súas experiencias persoais cos nenos e nenas refuxiadas e as súas familias. 

E xa pola tarde, ás 18:30, o resto da comunidade escolar e achegados, estades invitados a vir ao Encontro persoal, que darán conxuntamente, apoiándose no último traballo de Bauluz "Buscando refuxio para os meus fillos", onde narra o camiño percorrido a pe desde a súa chegada a Grecia ata Alemaña.

(O acto vai ser na Sala de Usos Múltiples, ata encher o aforo)

CARRERA CONTRA A FAME

RECAUDAMOS 6.050€!!!!

NORABOA!!!!

Xa fixemos as nosas contas e quedamos abraiados co que conseguimos entre todos e entre todas... Non vos parece???

Imaxinade todos os kits de alimentación, de potabilización de auga, vacinas, etc... que imos conseguir!!!

Unha gran victoria!!! 
Un gran pequeno paso na loita contra a fame!!!

MOITAS GRAZAS A TODOS E A TODAS 

POLO VOSO ESFORZO E PARTICIPACIÓN 

NESTA PROPOSTA SOLIDARIA!!!

O ANO QUE VÉN A POLOS 7.000€!!!!

CARREIRA CONTRA A FAME

Compartimos as primeiras imaxes que se publicaron a través dos medios da Carreira contra a Fame - Axuda en Acción, na que participamos moitas persoas da comunidade educativa do centro.

A finalidade desta actividade era a visibilizar as situacións de precariedade e de incentivar a reflexión sobre que a situación social inxusta que nos rodea, non só coa carreira senon con actividades de sensibilización que se realizaron durante estes días.

Nas nosas mans está o poder contribuír a ir mudando estas situacións inxustas, tratando de ser cada día persoas un pouco máis conscientes e solidarias.

Queremos agradecer a colaboración de tódalas familias que se interesaron e colaboraron de calquera xeito nesta carreira solidaria (na organización, correndo ou coas aportacións económicas).

Esta foi a nosa primeira carreira pero cremos que non vai ser a última xa que resultou unha experiencia moi positiva e enriquecedora.

Parabéns a todas e todos!!

Mais información na páxina web do centro