Festival mar de mares

 Dende a biblioteca do centro gustaríanos informarvos da celebración da quinta edición do Festival Mar de Mares na nosa cidade do 20 ao 23 de este mes. Este festival quere achegarnos a vída dos océanos.  Se estades interesados podedes consultar a programación na súa páxina web. 
Agardamos que sexa do voso interese. 

http://festivalmardemares.org/el-festival/?lang=es

Entroido

Por fin chegou o gran día, o venres de carnaval fixemos o desfile e rematamos a festa coa degustación de sobremesas típicas do Entroido.

Entroido 2017 -

Queremos agradecer a colaboración de todas as familias na axuda da confección dos disfraces, as sobremesas e a súa participación no desfile e dun xeito particular a Quique Bravo que puxo a disposición de toda a Comunidade un excelente reportaxe fotográfico.  

Adiviñas do Entroido

Queremos dar as grazas e a noraboa a todos os participantes no reto das adiviñas do Entroido.

As adiviñas e os mandados do Meco

Noraboa!
A maioría o adivinachedes moi rápido.

Os peliqueiros de Laza

A adiviña para mañá:

...e o mandado do Meco

Aa adiviñas do Entroido

A de hoxe, si que era fácil. Todos a coñecemos, participamos e gozamos todos os anos no noso barrio.

A adiviña para mañá non é tan fácil nin se celebra tan cerca do noso barrio.

Donde se celebra?

 E que opinades dos mandatos do Meco. Primeiro algo na cabeza, logo os zapatos de distinta cor e agora que nos manda?

Animádevos

Adiviñas e mandados do Meco

Noraboa!
A todos os que acertáchedes  as adiviñas de hoxe.

A adiviña de mañá aínda é mais fácil. Animádevos

O mandado do Meco para mañá é:

Imos estar guapísimos!!!

ENTROIDO

Estamos en tempo de Entroido. No cole estamos traballando e preparando os nosos disfraces para a festa que teremos o próximo venres.
Este xoves celebramos o "Xoves de compadres" e o próximo celebraremos o "Xoves de comadres".Pero non podemos olvidarnos dos mandados do "Meco". Para o próximo luns manda:

Tamén estades invitados a participar nun novo reto.Vos atrevedes?

Tedes que levar as vosas respostas á vosa clase.
Animádevos

Se queredes ter mais información sobre esta festa tradicional galega premede nos seguintes enlaces.

Magosto 2016

No noso colexio queremos poñer en valor as nosas tradicións.
No mes de novembro celebramos a festa do Magosto. Na súa orixe, o Magosto era unha festa arredor do lume e as castañas asadas coas que os galegos honraban as colleitas.
O lume do fogar convidaba a compartir contos e lendas antigas.

Asamos e comimos castañas, xogos populares da rapazada de Infantil e unha Xincana dos maiores.Podedes ver as actividades e os vídeos se premedes na imaxe.

CANTOS DE REIS

Houbo un tempo en que foi tradición, nas nosas parroquias de Galicia, ir cantar polas casas nestas festas de Nadal.

 Grupos de mozas e de mozos percorrían a aldea ou parroquia cantando panxoliñas, cantos de Nadal e cantares de Reis, cancións que foron transmitidas oralmente ó longo dos séculos.

 A cambio do seu cantar, a mocidade solicitaba o aguinaldo, xeralmente en especie (viño, chourizos, touciño, doces, lambetadas, etc.), que despois consumían todos xuntos facendo unha festa ou foliada.

 

Os Reises cantamos

 pedindo aguinaldo

chourizas, touciño

 pra face-lo caldo.

Pra face-lo caldo,

  pra face-lo caldo,

chourizas, touciño 

pedindo o aguinaldo

Bibliomistos escribiu unha carta á nosa rapazada solicintándolles que trouxesen á Biblioteca todas estas cantigas que coñecen as súas familias.

     
 Ola rapaces e rapazas:                                                 

     Como estades?
       O outro día lendo un libro atopei unhas cantigas preciosas. En Biblioplanet están entuasiasmados con elas. Os mistos pequerrechos pasan o día cantandoas e pedíronme máis. No libro dicía que os vosos avós e avoas, cando chegaba o tempo de nadal , cantaban esas cancións que se chaman “Cantos de Nadal” . Coñecedes algunha?
Pregúntade as vosas familias e traédeas a biblioteca. Se veñen decoradas moito mellor.


Espérovos na biblioteca

Bibliomistos

Entroido

O venres celebramos o Entroido. Os nosos rapaces e rapazas disfrazáronse de traballos relacionados co noso porto: pescadores, mariscadores, peixes; o noso gran pintor Urbano Lugris e non faltaron os seguidores do Basquet Coruña e o Deportivo. Divertímonos moito no desfile e rematamos coa degustación de sobremesas tradicionais galegas.

Entroido 16 - Kizoa Movie Maker

Queremos agradecer ás familias a súa colaboración, sen a vosa axuda o Entroido non sería o mesmo.

ENTROIDO

O próximo día 2 de febreiro comeza a celebración do Entroido.

Hai moitos libros onde podedes atopar información sobre esta celebración da chegada da primavera e as tarefas agrarias.

Na biblioteca podedes atopar o libro CD-DVD de  Paco Lamas titulado "Brinca vai" con ilustracións de David Pintor que contén divertidas cancións e xogos.

Aquí tedes unha mostra: O antroideiro

Contacontos de futuras mestras

LETRAS GALEGAS

Durante toda a semana estamos a celebrar a Semana das Letras Galegas.
Realizamos diversas actividades. Estudamos a vida e obra de Xosé Filgueira Valverde.

Hoxe tivemos unha celebración moi entrañable. Os nenos e nenas de 3 anos recibiron a visita dos seus abós e aboas, todos xuntos cantamos cancións tradicionais galegas acompañados dun acoreón e varias panderetas.


 Esperamos que pronto nos poidamos xuntar de novo.
 Moitas grazas pola vosa colaboración.
 Mañá tamén vai ser un día moi especial. Imos recibir a visita do grupo Xebre Seguiremos contando.

Magosto

O Magosto é unha festa tradicional que se ven celebrando en Galicia desde hai moitos anos. Nesta festa de outono: Decoramos colares con froitos de outono Reproducimos un bosque coas árbores típicas do bosque galego Comemos castañas Pasámolo moi ben