Video Actividades do English´s day

Kahoot! en Infantil

O alumnado de infantil tamén quixo estrear as tablets da biblio. Hoxe o alumnado de 5 anos veu a demostrar todo o que aprendera sobre Canadá completando un Kahoot en equipos. Que ven xogan estes nen@s cooperativamente!

Maletas viaxeiras Proxecto Canadá

Grizzly xa está de volta nas aulas de Infantil e con el a súa bolsa e maleta que viaxa de casa en casa para coñecer a todas as familias.
Dentro da bolsa vai Grizzly e un libro sobre Canadá, descrito letra a letra.

Na maleta van as solucións a todos os retos realizados polas familias e nen@s, un libro sobre Canadá contado a través dos números, fotos de animais, deportes, unha bandeira e un rexistro para anotar o que máis vos gustou.

Agardamos que o desfrutedes!

Proxecto Canadá nas aulas de Primaria

Durante estes meses continuamos traballando no noso proxecto anual nas aulas de primaria e estes días comprobamos o aprendido coa axuda das tablets e un xogo moi divertido: O Quizizz!

Estes nen@s creo que xa están preparados para o English day!

Elaboración de Pancakes

O martes e mércores toca de taller de cociña. O alumnado de 4 anos elaborou a receta típica canadense de Pancakes, que despois degustaron con froitas e o famoso maple syrup. Delicious!
Hoxe tocoulle a metade da clase estar ao mando dos fogóns, mañá será a outra metade! Preparad@s?

 Podedes seguir practicando na casa!

Difusión da experiencia nas escolas de Canadá

O luns 18 as profes participantes no programa PIALE 2018 realizamos na biblioteca do cole unha presentación sobre o sistema educativo canadense, aspectos destacables da metodoloxía, e a organización e funcionamento dos colexios canadenses. Como parte do plan de difusión da experiencia en Canadá. Damos comezo así á English week.

ENGLISH DAY 2019

Are you ready to test your knowledge in the English Day????

Esta semana píntase de cor vermello e branco para festexar o English day dedicado a CANADÁ. Como remate ao proxecto levado a cabo polos alumnos/as do centro dende o inicio de curso, imos a realizar unha xornada de xogos ambientada en Canadá. Todos os días teremos algunha actividade especial. Pero o día grande será o XOVES 22. 

Estas son algunhas das actividades:

- Elaboración de doces típicos, pancakes with maple syrup.

- Escape room

- Hockey

- Bowling

- Baile tradicional

- Bingo

- Arts and crafts

- Kahoot...

e MOITAS SORPRESAS máis!

Preparádevos para poñer a proba os vosos coñecementos no English day!

PROXECTO CANADA NO ENGLISH DAY

Estamos preparando unha xornada de xogos e probas en equipo sobre CANADA, celebrando o ENGLISH DAY no cole. Refrescade os vosos coñecementos, porque pronto os poñeredes a proba.

Próximamente teredes máis noticias canadenses.

Último reto do PROXECO CANADÁ

En nada teremos a Litlle Grizzly de volta no cole despois de case dous meses de aventuras en Canadá. Pero aínda precisa da vosa axuda para dar a solución ao último reto. Podedes deixar a vosa resposta no buzón da entrada. E lembrade ir a buscar o voso cuño para o pasaporte.

Aquelas que consigan todos os cuños terán unha SORPRESA ao final dos retos! Ánimo e sorte!

HALLOWEEN

Este ano decidimos centrar a celebración de Halloween en Canadá, para dar continuidade ao proxecto no que estamos inmersos.

Cada curso preparou unha arrepiante receta para compartir co resto do alumnado nun mercado.

Durante a maña os nenos e nenas visitaron o mercado para saborear os distintos pratos terroríficos previo pago con dólares canadienes. Cada neno/a dispoñía de 2 dólares canadienses para gastar no que máis lle apeteceu. 

Os vendedores/as tiñan que explicar en que consistía a receta, cales eran os ingredientes e cal era o seu prezo.

Unha xenial e saborosa experiencia na que os rapaces e rapazas practicaron moito inglés, non sei se canadiense ou non!