PROXECTO CANADA NO ENGLISH DAY

Estamos preparando unha xornada de xogos e probas en equipo sobre CANADA, celebrando o ENGLISH DAY no cole. Refrescade os vosos coñecementos, porque pronto os poñeredes a proba.

Próximamente teredes máis noticias canadenses.

Poesías en familia: primeiras visitas

Hoxe recibimos a Cuca a avoa de Clara que nos recitou un fermoso poema e nos contou o xa coñecido conto de Carlos Casares, A galiña azul. Con debate posterior incluído sobre os ovos de cor azul. Un pracer poder contar con vos!

Recomendacións lectoras

Aquí vos deixamos algunhas recomendacións de libros de poesías que podedes atopar na nosa biblioteca de centro.

POESÍAS EN FAMILIA

Como todos os anos abrimos unha vez máis as aulas e a nosa biblioteca as familias. Convidámosvos a participar na actividade de contar nas aulas nas que están escolarizados os vosos fillos/as.

Dado que este ano a temática da biblioteca é POÉTICAS DIVERSAS imos a centrarnos en traballar a poesía. 
As familias que queiran participar elixirán un libro sobre poemas, rimas ou adiviñas para vir a ler á escola.

Para participar so tedes que mandar unha nota ao titor/a e concretar o día que mellor vos veña. En principio realizaranse na hora de ler de 12:00 a 12:20h dende a vindeira semana ata que remate o curso.

Animádevos!

NA BIBLIO ESTAMOS DE ESTREA!

Aproveitamos o comezo do ano para estrear novos espazos da nosa biblioteca. E tamén novos recursos e xogos que fagan este lugar asequible para todo o noso alumnado, en todos os aspectos. Creando unha biblioteca o máis inclusiva posible. Aquí podedes ver as nosas novas adquisicións. Tamén hai novidades para as familias!

 NOVOS ESPAZOS

 O recanto musical: onde escoitar os nosos cd de música favoritos e os nosos contos musicados.








 O espazo maker: dentro do noso recanto trebelleiro. Coa nova parede vertical de legos para poñer a proba a nosa creatividade.




                                                                 NOVAS SECCIÓNS




Sección de libros con pictogramas para facilitar a comprensión e incrementar o vocabulario.







Sección de Leo paso a paso, con libros con letra maiúscula e/ou ligada para primeiros lectores.

NOVOS RECURSOS E XOGOS

Xogos manipulativos, xogos de asociación, de emparellamento, lotos diferenzas, memorys, xogos de maxia, axedrez, quebracabezas, dominó...

                                            NOVOS MATERIAS PARA AS FAMILIAS

Poñemos a disposición das familias que así o soliciten, a través do titor/a, unhas Bolsas de temáticas para ler en familia: sobre a morte, o nacemento dun irmán, os celos, o rato Pérez, o divorcio….
O obxectivo é tratar estes temas dunha forma o máis natural posible de xeito que vos axuden a conversar sobre eles cos vosos fillos/as. Cada bolsa contén unha serie de contos sobre o tema. Poderán permanecer un máximo de 15 días en cada casa, de xeito que poidan chegar a todos os fogares que as soliciten.

                                                             Agardamos que vos gusten!