Día do Cómic

 

Gañadoras concurso de cómic

Xa temos ganadoras! Parabéns!

Concurso de cómics de terror!

Semana de votacións! Despois da gran acollida que tivo o concurso de cómics con ata 27 equipos participantes é tempo de votacións. Que gane o mellor! O luns faremos o reconto de votos e coñeceremos aos gañadores/as!

Concurso de cómic de terror

Ante a chegada inminente do Samaín, propoñemovos un CONCURSO DE CÓMIC DE TERROR.
Pode participar todo o alumnado do centro. Estas son ás condicións:
- deberá ser en galego
- elaborado en equipo
- coa plantilla ofertada na estantería da entrada do centro
- deberá constar nel o nome e o curso dos autores
Tedes de prazo ata o luns 28 de OUTUBRO. Ao longo de esa semana coñeceranse os gañadores/as da sesión de cine terrorífica na nosa biblioteca.
Animádevos a participar! Agardamos as vosas arrepiantes historias!

Novidades!

Facendo caso das vosas suxestións do buzón de peticións da biblio, xa tedes os novos exemplares de cómic a vosa disposición na biblioteca!

Noveno 9

O Garaxe Hermético, unha escola de cómic dirixida por Kiko da Silva, acaba de publicar o número 0 da revista  Noveno 9 .É unha revista dixital de banda deseñada.

Espero que vos guste.

Jacobo Fernández Serrano

O venres pasado recibimos unha visita moi especial, estivo connosco JACOBO FERNÁNDEZ SERRANO.

 Aos nenos encantoulles Marcopola, xa coñecen "As orixes de Marcopola" e "Os piratas da lúa" e están desexando que publiquen mais historias.

                                                            

 

Podedes ver mais fotos

Moitas grazas Jacobo, pasámolo fenomenal!

Ata pronto!

ENTROIDO 2014: OS NOSOS PERSONAXES DE CÓMIC

Este ano eliximos como tema para traballar ao longo de todo o curso o cómic. Por iso, neste Entroido, os disfraces das clases xiraban ao redor do personaxe que cada clase elixiu ao principio de curso.

Tivemos a Snoopy, Zipi e Zape, Bob Esponja, Tom e Jerry, Simpsons, Mortadelo e Filemón, Tom e a súa granxa, Tintín e os seus amigos, Marcopola, ... Un festival de disfraces!!!

Aquí deixamos unha mostra.

ENTROIDO 2014: PERSONAXES CÓMIC - diapositivas

Obradoiro de Cómic

Abraham Carreiro fixo un Obradoiro de Cómic para o noso alumnado de terceiro ciclo. 

Ensinounos a debuxar, a darlle vida aos nosos personaxes...

Que fácil resulta cando o vemos a el debuxando!!!

 

http://www.kizoa.es/diapositivas/d8717711k6555738o1/obradoiro-de-cmic

Agora estamos moi animados para facelo nos.

Preparadeos, que pronto poderedes ver os nosos cómics.

Moitas grazas Abraham pola túa axuda.

CÓMIC SOBRE MANDELA 5º PRIMARIA

Os alumnos e alumnas de 5º de primaria, estiveron traballando coa WEBQUEST de NELSON MANDELA.

https://sites.google.com/site/mandelawebquest/

O resultado final do seu traballo consistía en realizar un cómic cooperativo entre todos os nenos e nenas da clase, escollendo imaxes reais e cartoonizándoas online. 

Para chegar a este cómic final tiveron que seguir unha serie de pasos:

1º Resolver a cuestión que se lles plantexaba, buscando información na internet.

2º Organizar dita información, corrixila, traducila ao galego e transformala no texto que aparece no bocadillo que ilustra a imaxe,

3º Elixir unha imaxe de Mandela que retratara o momento da súa vida que tiñan que traballar.

4º Cartoonizar a imaxe online, a través da páxina web www.kusocartoon.com

5º Montar todo o cómic coas imaxes cartoonizadas.

E aquí temos o nosos cómics. 

QUE OS DISFRUTEDES!!

DÍA DA PAZ E DA NON VIOLENCIA

O xoves  30 de xaneiro celébrase o "Día escolar pola Paz e a non violencia", no 66 aniversario da morte de Mahatma Gandhi.
Este curso adicámolo a figura de Nelson Mandela e a igualdade das razas.

Organizamos varias actividades:
   Lecturas de libros: Negros e blancos, Dous monstruos, Elmer,...
   Elaboración dunha webquest sobre Nelson Mandela.
   Dialogamos sobre a súa obra e o seu pensamento a través das súas frases.
   Elaboramos un cómic coa biografía de Madiba.
   A ONG,  Equus Zebra, visitounos para explicarnos que é unha ONG e as funcións que teñen. O seu  traballo vai dirixido fundamentalmente, a axudar á inmigración na súa adaptación ao noso país.
 Fixéronnos reflexionar sobre as diferentes condicións que poden ter os nenos na súa vida familiar e social.
No coloquio falamos de axuda, tolerancia, non discriminación...

Foi moi interesante e instructivo.
Como colofón o xoves todo o alumando e profesorado do colexio cantaremos e bailaremos todos xuntos a canción "Free Nelson Mandela" 
Pronto poderedes ver as fotos

TALLER DE CÓMICS

Como xa sabedes, este curso o PDI do noso colexio é "A banda deseñada". Lemos, debuxamos, creamos cómics e tamén xogamos.

Queres xogar cos cómics? 

A biblioteca do CEIP López Ferreiro de Santiago de Compostela preparou uns xogos moi divertidos.

A que esperas?

MIGUELANXOPRADO PREMIO NACIONAL DO CÓMIC

 Miguelanxo Prado foi premiado co "Premio Nacional de Cómic" pola súa obra Ardalén.Todolos coruñeses e galegos podemos sentirnos orgullosos polo premio acadado.

Ardalén é a primeira banda deseñada galega que acada este premio. O xurado destacou o caracter poético da obra, que mestura a realidade co soño, a memoria e o esquecemento, e a súa mestría técnica no uso da cor.
Visita a súa páxina web http://www.miguelanxoprado.com/
Parabéns Miguelanxo!!