Celebración día da Paz

Hoxe xuntánonos no patio para facer o noso particular homenaxe a este día, bailando esta canción de Juanes empregando a linguaxe de signos.

 

Día da Paz

Este ano dedicaremos este día a coñecer o labor de Wangari Maathai, premio nobel da Paz no 2004, co lema “Árbores pola Paz”. Na nosa escola tamén estamos a plantar sementes de árbores autóctonos galegos para levar ao noso patio. 

Día da Paz

 Hoxe conmemoramos o día da Paz a través da canción de Macaco "Mensaxes da auga" interpretada en lingua de signos polo noso alumnado, dirixidos pola mestra de música. 

Aquí deixamos a nosa particular marea de gotas de auga, todas diferentes, remando ao mesmo compás.

CELEBRACIÓN DA PAZ

Durante a semana pasada traballamos nas aulas sobre esta temática a través de distintas propostas e inciativas, deixámosvos unha mostra:

Infantil: contos sobre a resolución de conflictos, creación dun espazo de diálogo na aula e dun recuncho de calma.

 

 

1º e 2º primaria: Proposta de Detectives pola paz: búsqueda de accións favorables á convivencia observando aos membros da comunidade educativa: alumnado, profesorado, familias, persoal de servizos, etc.

 

3º e 4º primaria: Proposta de Cadea de favores.

5º e 6º primaria: Grilandas de paxariñas de origami e decoración das portas das aulas co traballado.

Semana da Paz

 O 30 de xaneiro celébrase o día da paz como homenaxe ao aniversario da morte de Mahatma Gandhi (India, 1869-1948), líder pacifista que defendeu e promoveu a non violencia e a resistencia pacífica fronte á inxustiza. No noso centro traballaremos durante esta semana nas aulas sobre esta temática, comprometéndonos como defesensores da paz e o entendemento entre as persoas a través de distintas propostas e inciativas. Iremos colgando a mostra dos nosos traballos. 

Infantil: contos sobre a resolución de conflictos, creación dun espazo de diálogo na aula e dun recuncho de calma.

1º e 2º primaria: Proposta de Detectives pola paz: búsqueda de accións favorables á convivencia observando aos membros da comunidade educativa: alumnado, profesorado, familias, persoal de servizos, etc.

3º e 4º primaria: Proposta de Cadena de favores.

5º e 6º primaria: Grilandas de paxariñas de origami e decoración das portas das aulas co traballado.

Preparando o día da Paz

Nas aulas de infantil estamos a traballar con este conto "O sorriso de Daniela" que nos fala da importancia que ten o noso sorriso nas relacións cos demais. Como este ano é un pouco difícil de amosar, o alumnado de infantil preparou a súa propia adaptación das máscaras para seguir alegrando co seu sorriso. 

Dende primaria achegannos unhas guirnaldas solidarias con palabras sobre a Paz para dar un pouco de cor ao noso cole. 

 

Día da Paz

Así o quixemos celebrar nos!

DÍA DA PAZ

Lazos con mensaxes de paz coa axuda das familias, unha canción roqueira e inventada "Rompe coa violencia" polos nenos/as e moitas ganas de exaltar a amizade neste 30 de xaneiro.

.

CELEBRACIÓN DO DÍA DA PAZ

No noso cole celebramos o día da Paz facendo Paxariñas de cores nas aulas de Primaria e un Arco da Vella coas fotos nos nenos e nenas de Infantil e as fotos dos mestres/mestras e persoal do cole.

Hoxe xuntámonos facendo o Símbolo da Paz para canta a canción I`ve Got Peace in My Fingers e dar os Premios Nobeles da Paz. Estas foron as persoas elexidas polos seus compañeiros/as. Parabéns a tod@s! 

Canción para o día da Paz

A practicar...

DÍA DA PAZ

PREMIOS NOBEL DA PAZ DO COLE VÍCTOR LÓPEZ SEOANE

O Premio Nobel da Paz é un recoñecemento que se outorga á persoa ou institución que traballa máis ou mellor en favor da fraternidade entre as nacións, a abolición ou redución dos exércitos existentes, e a celebración e promoción dos procesos de paz.

No noso cole tamén queremos recoñecer a labor daquel alumnado que contribúe diariamente á mellora da convivencia da aula e do clima do centro.

Es unha persoa...

 que respecta aos demais e non despreza a ninguén?

Es unha persoa...

xusta, xenerosa e que comparte cos demais?

Es unha persoa...

 que sabe perdoar se alguén che fai mal?

Es unha persoa...

 que intenta solucionar os problemas amablemente?

Es unha persoa...

 que escoita, dialoga e non intenta impoñer a súa opinión pola forza?

Se respondiches que SI a maioría destas cuestións poida que sexas elixido como un dos premiados. Senón pensa cal dos teus compañeiros/as merecería ser galardoado/a e entre todos/as os compañeiros/as da clase decidide cal será a vosa proposta de candidato/a.

ENCONTRO CON JAVIER BAULUZ E PATRICIA SIMÓN

O pasado venres, tivemos a sorte de ter unha visita moi especial: o fotoperiodista Javier Bauluz, e a periodista Patricia Simón. Tanto o un como outro enfocan o seu traballo cara a loitar polos Dereitos Humáns. Proba de iso é o seu periódico dixital "Periodismo Humano".

                                                                                                  Compartiron coas clases de 3º, 4º, 5º e 6º de primaria os seus traballos sobre as persoas migrantes e refuxiadas; a súa perspectiva de que son persoas, non cousas nin números, senón persoas que necesitan a nosa axuda igual que nós si estiveramos fuxindo do noso país por motivos de raza, relixión, xénero, orientación sexual, opinións políticas, etc.

Explicáronos o importante que é loitar contra a xenofobia que cada día está crecendo máis e máis. E dixéronos cal é a mellor mediciña.....A EMPATÍA!!! poñerse no lugar dos outros e percibir o seu sentir.

E, xa pola tarde, foi o tempo dos maiores. E describiron as súas experiencias na nosa fronteira sur, Melilla, e o camiño a pé que fixo Javier coas persoas desprazadas en situacións límite, desde Lesbos ata Alemaña; e explicaron as políticas e prácticas dos medios de comunicación internacionais en torno a esta crise humana. A súa intervención deu lugar a un animado coloquio posterior, no que houbo un sentir común: "poñámonos a traballar para que a xenofobia non avance"

Gracias Patricia. Gracias Javier. Lembrarémosvos sempre.

Aquí deixámosvos un vídeo resumo de toda a xornada que compartimos con eles. 

LECTURAS PARA A PAZ

No vestíbulo do cole podedes atopar as nosas recomendacións lectoras para estes tempos de Paz.

Mais aquí deixámosvos  unha selección das poesías da gran poetisa Gloria Fuertes

MIGRACIÓN Y REFUGIO. DÍA ESCOLAR DA PAZ E DA NON VIOLENCIA 2017

Este ano queremos enfocar o Día Escolar da Paz e da non Violencia cara ao que está a pasar no mundo co respecto ás persoas que fuxen dos seus países por moitos motivos como a guerra, a súa raza, relixión, opinións políticas distintas, pertencer a un grupo social determinado, por razón de xénero ou pola súa orientación sexual.

As persoas que fuxen do seu país de orixe por calquera destes motivos o único que quere é poder "vivir", por iso piden refuxio; e, por iso queren exercer o seu dereito de asilo (Artículo 14 Declaración dos Deritos Humáns). Que podemos facer nós?

Nesta semana traballarase nas clases esta temática con contos, libros, cortos de animación, documentales, traballos de investigación....

Aquí deixámosvos  un pequeno GLOSARIO co que comezamos este tema para aclarar dúbidas e conceptos.

Día paz 2017 "Migración y refugio" CEIP VÍCTOR LÓPEZ SEOANE de aulainformaticaelena

E contaremos o venres coa visita de dúas persoas moi relacionados co tema dos Dereitos Humáns:

A periodista Patricia Simón, galardonada co Premio da Asociación de Mulleres dos Medios de Comunicación 2013, ponente en seminarios, cursos e congresos sobre periodismo, dereitos humáns, enfoque de xénero, trata de persoas e explotación sexual. 

O fotoperiodista Javier Bauluz, Premio Pulitzer de Fotografía 1995 polo seu traballo en
Ruanda, Premio Periodismo e Dereitos Humáns 2008, Premio Dereitos Humáns do Consello Xeral da Abogacía 2016, entre otros.

Pola mañá, os nenos e nenas de 3º, 4º, 5º e 6º van ter a sorte de poder compartir un encontro persoal con eles onde van contarlles  as súas experiencias persoais cos nenos e nenas refuxiadas e as súas familias. 

E xa pola tarde, ás 18:30, o resto da comunidade escolar e achegados, estades invitados a vir ao Encontro persoal, que darán conxuntamente, apoiándose no último traballo de Bauluz "Buscando refuxio para os meus fillos", onde narra o camiño percorrido a pe desde a súa chegada a Grecia ata Alemaña.

(O acto vai ser na Sala de Usos Múltiples, ata encher o aforo)

CANCIÓNS DE PAZ

Roupa Nova, un grupo brasileiro, interpreta a canción  "A Paz"que é a tradución da canción "Heal the World" de Michael Jackson 

"Eu teño alguén" de María Fumaça 

 "Sadako & las Mil Grullas de Papel" é un pequeno vídeo que nos conta a historia de Sadako, unha rapaza xaponesa que...

Queredes aprender a facer grullas de papel? Premede aquí

A FUXIDA

Hoxe recomendamos un libro: "A fuxida",  Berta Dávila é a súa autora.

Berta Dávila escribe unha fermosa historia protagonizada por Nadia, unha nena que, sempre atopamos abrazada ao seu osiño, e que non acaba de entender o motivo que impulsa a súa familia á fuxida. No cerne están os sentimentos e motivos para a inmigración por causas de conflictos; moi vixentes na actualidade para donde miremos. Acompañan dunha forma moi significativa e poderosa os cadros de Inma Doval, cheos de cores vivas, constitúen un perfecto contrapunto para ilustrar unha historia que reflicte un mundo tristemente dominado polo corazón das tebras, pero no que a xente non se rinde e loita por procurar a felicidade e a ledicia de vivir.